Marwa Anees

كان في حفلة النهاردة عاملاها جمعية (الشهيد) الدكتور علاء عبد الهادي الحفلة كانت للأطفال أيتام في جنينة الأورمان .. و من أهم أعضاء جمعية الشهيد علاء عبد الهادي : يس (يتيم كان بيقعد تحت الكوبري عالطول قبل الثورة بس من ساعت ما قامت و ربنا يكرمه علاء و علاء و مودي هم اهتموا به يس دلوقتي اتعلم في سنه واحده القراءة و الكتابة عربي و انجليزي و بيعرف يستخدم التكنولوجيا عامة و بقى له حساب على الفيسبوك مش هارغي عنه كتير بس لو شفتوه مش ممكن تقولوا انه كان كده) و حضر الحفلة سميرو إبراهيم (ست البنات إللي عرت المجلس في قضية كشف العذرية) و الأطفال الأيتام إللي من قرية فيها 500 يتيم أه و الله و مالهومش حد و جايين يحتفلوا اليوم ده و يقضوا باقي السنة  نكد على ما يجي يوم يتيم تاني (إللي هو انا ضد فكرته أصلا) و كل فرد من الحضور بما فيهم من ذكرت ماتت منه حته على مر كل حدث إسود مر علينا في السنتين السود دول تحديدا.. و قال إيه بننبسط !! و إللي لابس علامة للسلام و إللي لابس من أجل سوريا و إللي من أجل فلسطين و إللي الثورة مستمرة  بص في عنين أي حد فيهم بس  بص في عينين علاء صاحب علاء عبدالهادي الله يرحمه و لو عرفت تمسك دموعك ! احنا كده بننسط

تباً

احنا مين الأول: احنا إللي انبسطنا سوا و عيطنا و اتضربنا و اتبهدلنا و كلنا و شربنا سوا.. مشينا لحاد ما تعبنا لأ و موتنا كمان و اتعورنا و اتسجنا و هربنا و جرينا .. شلنا بلاوي سودا سواء ناس أو هم و غم .. و كنا بنتكلم و نفضفض و نتعلم و نتثقف.. احنا إللي في المبادرات و المسيرات و المحاكمات و المستشفيات و المشارح و في الشارع و في المكتبة و في الجنينه و في المدافن و التأبين و المحاضرات و المؤتمرات و المساجد و الكنايس و كل الوقت مع بعض !
احنا مانعرفش أسامي بعض بس بنحب بعض جدا و نخاف على بعض و نزعل لو حد اتعور و نتقهر لو حد مات.. بس بنعرف بعض أكتر بعد ما نموت للأسف ده السلو دلوقتي ! يعني مافيش وقت تتعرف عاللي بتحبهم بالطريقة التقليدية أو حتى الغير تقليدية لما بتكون في أي مكان من إللي قلت عليهم بنكون بنتعرف علي حد مننا .. أنا عرفت ناس كتير أوي بالطريقة دي….

و قريب أوي هاعرفهم عليا .

 محمد صلاح شاب ملامحه هادية جدا و مريحة للعين, بيحب الأطفال جدا حنين معاهم أوي و هم كمان بيحبوه, خدوم, بيحب اخواته أوي.. محمد ده جاري كنا زمان اهلينا متخانقين مع بعض و احنا مش عارفين السبب و كنا على هذا الأساس و بنفضل نغلس على بعض من شبابيك البلوكنة(هم كانوا دايما منورين النور و قافلينه).. و نقفلهم في وش بعض, شوية نصفر و لما نطلع نقفله و حاركات الاطفال إللي تغيظ دي.. بس حصلت معجرة و أهلينا اتصالحوا من ساعتها بقينا نزرو بعض و تعرفنا على بعض أكتر.. محمد كان في إبتدائي وقتها و أهله من النوع إللي بيقفل عليه و على اخواته فا ماكنش بينزل يلعب معانا في الشارع بس كان نفسه.. عمره ما خرج بمواصلات و لا عمل اي حاجة غير مع لأهله محمد كان في خامسة أو رابعة ابتدائي.و بابا في مرة دبسني إني اخرجهم بصفتي(إللي بلف و أدور) يومها محمد كان نفسه يروح سيتي ستارز كان لسه بقى فاتح و كان سامع عنه.. المهم خرجنا كانت اختي معايا و هو كان معاه اخواته البنات التلاتة.. محمد كانت بالنسبة له المواصلات مغامرة و كان مبسوط اوي..محمد الوحيد إللي كان عنده رأي في إخواته مع إن هو الصغير ! لما دخلنا كامز عشان يشتري لعبه اخواته زعلوه عشان كان بيجيب اللعلب و مش بيلعب بيها المهم اشترى لعبة (يو جي اوه) كان مبسوط انه نازل يعتبر لوحده و اكبر حد مش من أهله و بيتصرف بحرية و انطلاق… روحنا ناكل محمد أكتر حاجات بيحبها يا فهيتا من عند مؤمن أو ريزو من كنتاكي.. و طبعا عشان ماكنش لسه مؤمن فتح في سيتي ستارز أكل ريزو و اخواته فضله حيرانين طول اليوم لحد ما غلبونا على ما كلنا…. محمد و احنا مروحين كان مبسوط انبساط !!! و كان نفسه نخرج تاني يوم و فضل يشكرنا على الخروجه دي طول الطريق و احنا مروحين  محمد كان بيحب الكومبيوتر و كان نفسه يدخل كلية الحاسبات و المعلومات وعينيه قلبت نجوم لما عرف إني في الكلية دي و كان بيفضل يسألني عن حاجات طبعا عشان الحمد لله هو لسه صغير كنت بعرف اجاوبه على اسئلته عشان انا بعتبر نفسي خريجة أداب أسباني.. محمد كان بيجي عندنا كتير لما يحب ينزل ويندوز و كان محمد اخويا بالنسبة له بيل جيتس شخصيا !! باباه كان بيبعتلنا هدايا كتير و محمد إللي كان بيجبها و يقعد عندنا شوية .. انا كنت بزعل على سنيين كتير ضاعت ماعرفناش فيها الناس دي مش عشان الهدايا (بستظرف من غير نفس) لأ عشان كانوا ناس محترمة فعلا !!.. محمد اول مرة ركب عجلة و كان نزل بيها كان بالنسبة له الانتصار العظيم ! و بيلعب بيها في الشارع مش في النادي ! و كان فعلا بدأ ينطلق.. معروف عنه بين اصحابه في المدرسة انه متربي و محترم و أخلاق.. حتى المدرسين كانوا بيحبوه كان محترم كده و مش بتاع مشاكل.. انا كمروة كان بيعجبني انه عنده دباديب كتير عشان انا كمان بحب الدباديب .. مش بيحبها زي الناس السيكي ميكي زي ما بيقولوا ! في يوم من أيام المدرسة كان في تطعيم إجباري من اياهم دول ماحدش عارف دع بتاع ايه ! المهم محمد أخده زيه زي باقي الطلبة في المدرسة.. محمد بعدها بفترة ظهرت عليه أعراض غريبة جدا !!! راحوا به لدكاتره شمال و يمين ماحدش عارف ده ايه !! فيين و فييين بعد ما يقرب من السنه عرفه انه سرطان في الغدد الليمفاوية.. طبعا كانت صدمة غريبة علينا كلنا !! حاولوا يعرفوا السبب و داخوا لحاد مع عرفوا ان السبب كان التطعيم الملوث إللي اخده في المدرسة.. والده كان محامي و كان فعلا محامي شاطر .. رفع قضية و مشي في الاجراءات ..و بعد شوية عمو تعب جدا فجأة.. مامرش سنة و توفاه الله ..محمد حالته فضلت تدهور شوية و تتحسن شوية… مامته ماكنتش تحب حد يزوره خالص في المستشفى لا بتحب حد يسأل كل شوية عشان كده كنا أحيانا بنقسم الموضوع بيننا في العيلة إللي يتصل يطمئن الباقين.. محمد أخر مرة شفته في فرح اصغر اخواته إللي هي بردو أكبر منه اتجوزت بعد وفاة باباها بشوية كويسين !! انا عارفه ان كان نفسه يربي دقنه زي أبوه الله يرحمه بس الكيمو(العلاج الكيماوي) كان عائق ! محمد كان بيحفظ قرآن مافتكرلوش أي حاجة وحشة عملها لأي حد ! محمد كان خلاص دخل ثانوي وبيسوق العربية طبعا مش محتاجة اوصف كان بيبقى مبسوط إزاي !! بس بسبب مرضه ماكنش بيعرف يعمل أي حاجة و لا يمارس حياته بصورة طبيعية!! فاتت على محمد امتحانات كتير عشان العلاج و المستشفى ! هو فعلا كان طموح أوي و كان نفسه يعمل حاجات كتير بس من بعد وفاة والده و مرضه ماكناش بنعرف نشوفه و لا بنعرف نتكلم معاه و اكيد كانت دماغه اتغيرت فيها حاجات كتير.. و إللي حصل انه بقى يتكسف يتكلم معايا للأسف !مامته مش بتحب كده و لا بتحب تحس إنها محتاجة و لا صعبانه على حد.. محمد فضلت صورته تيجي قدام عينيا كل ماغمض أو افتح و كنت عايزة أسأل عليه مش عارفة كان على بالي طول اليومين إللي فاته ليه بشكل مش طبيعي!! و انا مروحة قلت انا اقول لماما تتصل تطمن عليهم النهارده بقى و ليكون ما يكون.. دخلت لاقيت ماما شكلها غريب ؟؟ مالك يا ماما في ايه !!! بتقوللي محمد ابن عمو صلاح اتوفى ! محمد توفى يوم 15 ابريل في حضن مامته في المستفى بعد آخر جرعة كيمو أخدها قالها ماما مش قادر!! قالت له اتشاهد يا محمد .. محمد اتشاهد و مات !! محمد ناس كتير راحت المسجد تصللي عليه و هي مش عارفاه ناس كتير بكت عليه و هي مش عارفه ده طبعا غير إللي عارفينه.. محمد ماكنش يعرف ان كل الناس دي بتحبه .. روحنا بعدها العزا إللي استمر لحد الساعة 4 و شالو الكراسي إللي في الشارع.. و لا كأن في حاجة حصلت.. و رجت ابص على شباك بلكونتهم المقفول المنور بالنيون زي زمان بس المرة دي انا عارفة هم مين و حالتهم ايه ! ربنا يرحمك يا محمد و يدخلك الجنة.

البنت -يا حرام- عدت ال30 و لسه ماتجوزتش انا مش عارفة حظها عامل كده ليه ؟؟ و دي يعني للها عيل و لا تيل يشيلوها بعدما تكبر …اصلها كانت بتتبطر عاللي بيتقدم لها لما كانت اصغر من كده ! أدي آخرة القرننة.. كل زميلاتها اتجزوا.. اشمعنى هي و لا هو دايما كده البنات المحترمة إللي مش بتدلع و لا تتساهل يبقى ده حظها !! الرجالة اتعمت في عينيها ؟؟
البنت بقى تفضل تندب في حظها و تندم على كل عريس غير مناسب رفضه ليه ؟؟ عشان عنست! و امها كمان شوية هاتموت و تبقى لوحدها في الدنيا !! و تفضل ساخطة عالمجتمع او تبدأ تقدم تنازلات و تتجوز إللي بيجي قدمها حيث التستت و الاستكرار !!

ثقافة المجمتع البالية إللي مودينا في الداهية دي.. يعني ايه ابنى ساعدتي على شخص موجود او مش موجود !! لا و حياتي كلها و عيشتي متوقفه عليه !! يعني مش ممكن تتجوزي و جوزك يموت و كل ما تتجوزي واحد يموت ! و طبعا الناس (المجمتع انت في نظه شؤم و نحس)  المهم و مش ممكن حياتك تبقى جحيم و مش ممكن عيالك يموتوا مش ممكن اصلا تكوني مش بتخلفي ! و إللي فعلا ممكن إنك تتجوزي و تخلفي و وولا جوزك ز لا زولادك يبقى ليهم لازمة في الحياة إلا عبء !! و لا هو دايما التعلق بالحاجة إللي مش ايديك ! على أي أساس بيحددولك ايه احسنلك و ايه اوحشلك.. و سنك إللي ما ينفعش تتجوزي بعده و التنازلات إللي تقديمها و تقديمها ليه ؟؟؟  لا و الادهى بقى ان نفس الثقافة دي هي هي إللي  بتتنك و تقولك انا بنتي ما تتجوزش إلا بجكوزي او شبكة ب ستوممييت الف جينه و فرح مش عارفه فيين و حاجات تقصم الضهر و ممكن بسببها تتفركش الجوازة بحالها !!و تصبي لعنتك على الوطن العربي و الاقتصاد و الغلا !! مش على الثقافة المقرفة و إللي بيعده كل البعد عن الدين و المعاملات و الاخلاق !

يعني اتعلق بشخص بيروح و بيجي و ممكن اصلا مايجش و ماتعلقش باللي دايما موجود و اقرب لي من أي حد ! 

مافيش حد أحن عليكي من ربنا و لا حد بيرزقك غير ربنا و لا بيحميكي غير ربنا و لو كان بيعملك كده فا ده من مشيئة ربنا بردو ! و ربنا عارف ايه الخير ليكي و بيقدرهولك

خلاصة الكلام و عارفة انك مش ها تقرأيه بردو ربنا يسعدك دنيا و آخره و يقدرك الخير ويرضيكي به

حلمت امبارح ان مصر بقى مسكها عمر سليمان.. و الشرطة و الجيش مالو البلد بشكل مبالغ فيه !! انا كنت في الجامعة المفروض و نعمل فاعلية و كالعادة شنطتي عليها لا للمحاكمات العسكرية .. البلد كلها كان جوها جو حرب السما صفرا و الجو ريحته غريبة و النور غريب كل حاجة كانت وحشة.. الاطفال بتجري و الاهالي في الشارع بتجري عشان العساكر بيقتلوا اي حد.. انا كنت خايفة جدا مش منهم كنت خايفة جدا على ماما عشان مش عارفة حتى اكلمها اطمنها عليا خفت لا يجرلها حاجة و اكون انا لسه عايشة… الرعب ملاني سبت شنطتي في مدرج كان تحت الناس بتحتمي فيه من الضرب و البهدلة زي الخندق طلعت اجري آخد المترو عشان أوصل لأقرب بيت أو بتنا حتى (بس احضنها عشان كنت نازلة من وراها و انزل تاني) .. قابلت صحبتي علياء صدفة في المترو بتقوللي فين شنطتك قلتلها في المدرج خفت اشيلها مع ان فيها كراستي إللي فيها اهم حاجات بالنسبة لي و ملاحظاتي و الحكم و المقولات و الدروس و كتبي!! و قولتها عالعسكري الوحيد إللي خلا الناس تعرف تركب المترو و كان شغال !! فضلت في بيتها و كلمت نيازي يشوف شنطتي عنده و لا لأ عشان هو فضل في المدرج ممشيش ماردش عليا !! الغريب ما خفتش من رصاص و لا غاز خفت بس على أمي ! و كنت عايزة لو يعني ينفع افجر نفسي فيهم مش هاتأخر عشان منظر الناس و الرعب إللي كان في الشوارع و لا سوريا..و حسيت ان قتلهم هو الحل الوحيد..

انا فعلا جويا كم غضب و حزن و حسرة و جنون غير عادي

ربنا يرحم شهدائنا و يلحقنا بيهم في الجنة… و ربنا ينتقم من العسكر و كلاب مبارك

Few people when i look into their eyes i see death, although they are alive. But those dead ones i see life and hope in their their eyes. Souls never die.
Eyes never lie; they always show what’s inside no matter how hard you try to hide, they always expose you. You may change your voice, smile but you can’t change the look at your eyes.
Not all living people are alive most of them are dead but they are practicing life. Pure souls are all around living just outside their bodies. I met pure souls :)

انا ضد الظلم و العنصرية
انا الكرامة و الانسانية
انا ضد التعذيب و النازية
انا العدالة و الحرية
انا ضد القمع و السلطوية
انا الكرم و المجدعية
انا ضد الفقر و الرأسمالية
انا المحبة و الفكاهية
انا ضد الحرب و الامبريالية
انا الحياة و العفوية
انا ضد الفتل و الفلولية
انا السعادة و الثورية
انا ضد التعميم و الشمولية
انا البراءة و الحيثية
انا ضد الظالم مهما كان و بقولها اوية 
انا مين ؟ انا بنت مصرية 

فاكر لما كلنا كنا في الميدان مع بعض.. و قالوا علينا بلطجية و قالوا علينا متمولين و بيوزعوا علينا كنتاكي و يورو.. و كنا لما نجي مروحين اللجان الشعبية عالمداخل يهزروا معاك و بيقولوك متنساش 500 يورو و الوجبة.. فاكر لما كان التلفزيون يصورنا على اننا باطجية و احيانا مرتزقة و احيانا حزب الله و كنا نعد نضحك مع بعض ! فاكر ساعة خطاب المخلوع و هو بيقول لم اكن انتوي الترشح و ماصدقنهوش و فضلنا انا و انت فالتحرير و ناس غيرنا كانوا بيقولو عايزين ايه بتوع التحرير ما هو قال هايسيب اهو(بعد الضغط الشعبي من الميدان) ! فاكر لما قالو علينا دول ناس رايحة تموت بيلقوا بأيديهم إلى التهلكة و عايزين يخريبوا البلد !! بعد ما المخلوع انتحى ايه إللي حصل !! احنا مش كنا نازلين عشان نسقط مبارك بس كنا بنسقط نظااام احنا كنا نازلين عشان عيش حرية عدالة اجتماعية !!! ايه منهم اتحقق لحاد النهارده ؟؟

الموقف النهارده انت سبتني و مش بيتنزل الميدان معايا و بتقوللي الجيش هاسيب اهو بعد ماحدد ميعاد يوليو بعد اعتصام 18 نوفمبر( إللي انت بردو ماكنتش معايا فيه) و شهداء محمد محمود انه هاسيب السلطة الله وحده اعلم هاسيبها و لا لأ و يكون ينتوي هو راخر.. و بيتقوللي انت نازل الميدان تعمل ايه ؟  و عايز ايه و إللي فالتحرير دول بلطجية في حين إللي ماتوا كلهم  شباب زي الورد  منهم المسيحي و المسلم و إللي استحلو بنات طاهرة و شريفة  و الشيخ إللي مات ده أزهري !! و انت عارفني  قبل ده كله و أنا مش بلطجية يبقى بتصدقهم ليه و بتعمي عينك عن الحقيقة و انت عارف ان بحب بلدي و مش بتمول من بره و احنا اصحاب من زمان و بيتصدق التليفزيون و خطابات المجلس مع اننا سوا كنا مش بنصدق خطابات مبارك!! فرق ايه المجلس عن مبارك !! جبلي فرق واحد هو كان بيقول مش بنضرب ! امال الشهدا دول ماتو إزاي و إللي عينهم راحت راحت إزاي ؟؟ طنطاوي قال مش بنضرب شوف المدرعات إللي دهست شهدا ماسبيرو !! و الشهدا إللي ماتو برصاص حي في محمد محمود و الغازات الغريبة إللي كانوا بيرموها بلا رحمة و إللي استشهدو في مجلس الوزراء ماتو كلهم برصاص حي بردو فين الاختلاف بالعكس الوضع بقى وحشي اكتر!! لسه هاتصدقهم !!!

ماما أنا نازلة التحرير..ممكن آجي أو ما جيش

لو مت يا أمي متزعليش.. دنا كنت نازلة عشان اعيش

 و حبي لكي ممنعنيش..ده حماني من غدر الجيش 

قولي اتجننت قولي استهبلت… لو انت مكاني متتأخريش

يقولوا رصاص يقولوا غاز.. على حب بلدي ماتلومونش

 بحبك 

مروة

(Source: رسالة لم اتركها بعد)

I saw a girl in jeans, walking or flying like a butterfly, smiling most of the time, helping people as possible. she has so many friends  ! they say she’s a good girl.. i don’t know why she hates me that way.. i barely know her.. she insists on pushing me away no matter what ! i meet her everyday you can say :S the weirdest thing is that we both have a dragon tattoo the same exact tattoo in the same place ! does that mean anything ? do we really have things in common or it’s just a coincidence ! by the way i created that tattoo myself ! simply i just can’t get rid of her moreover i never get the chance to know her better..i was trying to remove a part of the dragon wing, she gave me one of a damn look as am removing hers…